م / ن / ق / و / ل
متمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟
شو الجواب برأيكن
أكيد حيكون
لأ !! عم ارقص.. بس الوضع بيوحي إني نايم
معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟
شو الجواب برأيكن
أكيد حيكون
لا والله لساتنا عالطريق، في عجئة بشارع بغداد
لابس أحلى أواعيك ومتعطّر وشايل مفاتيح السيارة وجزدانك وداحل لبراة البيت، بيجي
حدا من أهلك بيسألك، شو رايحلك شي مشوار !!؟؟
شو الجواب برأيكن
أكيد حيكون
لا والله طالع عالأسطوح صلّح السكر
حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشه علائم الإستغراب والدهشة: بدك تحكي بالتلفون؟
شو الجواب برأيكن
أكيد حيكون
لأ شو إحكي !!!
بس كنت عم جرب صوت طنة الأرقام
حاطت راسك ونازل دحي بهالكتب والدراسة، بيجي أبوك أو امك...: عم تدرس؟
شو الجواب برأيكن
أكيد حيكون
لا والله ...!! عم غير زيت للسيارة
عم تتفتل بسوق الموبايلات بجدة، بصادفك سعودي شماخه لنص ظهروه، حامل نوكيا
وعم يسأل صاحب المحل: هاظا شاشتا إملونه؟؟ N95
شو الجواب برأيكن
أكيد حيكون
لأ حبيبي - هات من إيدك - هاد حيونة حطولو الكاميرا بعدين موديل قديم
مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب
شو الجواب برأيكن
أكيد حيكون
لا والله بالعادة بفكر العب دء طميمة وماروح لعندهم
نفس المذيعة بشوف ولد بالشارع وبتساله؟ حبيبي بتحب بابا وماما؟
شو الجواب برأيكن
أكيد حيكون
لا مابحبهم , بحب البوسنة والهرسك
واحد فايت ع جماعة وشايف الوضع بالشارع معتم والمكتوب مبين من عنوانه، شو مقطوعة الكهرباء؟
شو الجواب برأيكن
أكيد حيكون
لأ حبيبي بس هيئتك بدك تعمى
بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة بيئلك: واحد ؟
شو الجواب برأيكن
أكيد حيكون
لأ 60 !!!!!!!!!!!!!!!!!؟ ورجعلي الباقي
أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
شو الجواب برأيكن
أكيد حيكون
لأ ... عندي 10 طلبيات، بس وقفت حيونة
بدك تنزل من الميكرو: عاليمين زكاتك.... بتتلقى الرد: نازل ؟؟
شو الجواب برأيكن
أكيد حيكون
لا والله بس عم جرب صوتي
موضوع: اسئلة غريبة 